УНЕСКО: Палмира задржала извесен интегритет и автентичностПалмира, 27 април 2016 (МИА) – И покрај оштетувањата древниот сириски град Палмира задржал „интегритет и автентичност“, соопшти денеска Унеско.
Канцеларијата на ОН задолжена за култура, потврди дека Палмира претрпела значителни оштетувања во период додека била заземена од ИД, но тој археолошки локалитет задржал многу од својата автентичност.
– Археолошкиот локалитет Палмира задржал голем дел од својот интегритет и автентичност, наведуваат во извештај експерти на Унеско.
Пред судирите во Сирија, Палмира беше туристичка дестинација позната по храмови стари 2.000 години. ИД лани го зазеде Палмира и три месеци подоцна го уби 82-годишниот сириски директор за антиквитети, а џихадистите уништија дел од најубавите споменици и го користеле древниот амфитеатар за убиства.
|