Околу 90.000 деца побарале азил во ЕУ минатата годинаБрисел, 2 мај 2016 (МИА) - Минатата година над 88 илјади деца, кои не биле придружувани од своите родители, побарале азил во земји од ЕУ, покажуваат податоците на Евростат, додавајќи дека 13 отсто од нив биле деца под 14 годишна возраст.
Повеќе од еден милион лица, кои бегаат од војна и сиромаштија на Блискиот исток и од Африка, пристигнаа минатата година во Европа. Ова е речиси двапати повеќе во споредба со 2014 година, а што се однесува до малолетните лица нивниот број се зголемил четири пати.
Децата претставуваат околу една третина од 1,26 милиони мигранти во првиот бегалски бран, кои поднеле барање за азил во ЕУ во 2015 година.
Повеќе од 90 проценти од децата, кои патувале без родители или старатели, биле момчиња, а над половина од нив се навозраст меѓу 16 и 17 години.
Главни дестинации на малолетните бегалци биле Шведска, Германија, Унгарија и Австрија.
|