САД и Русија постигнаа договор примирјето во Сирија да го опфати и АлепоВашингтон, 4 мај 2016 (МИА) - САД и Русија се договорија режимот на прекин на огнот во Сирија да го опфати и северниот град Алепо, каде насилството ескалираше во последните неколку дена, се наведува во денешното соопштение од американскиот Стејт департмент.
Вашингтон и Москва ќе го координираат зајакнување на механизмот за надзор на новиот договор, пренесува БТА.
Од критично значење е Русија да ги зголеми напорите за да го натера режимот во Сирија на претседателот Башар ал Асад да го почитува режимот на прекин на огнот во Алепо, се истакнува во соопштението. САД од своја страна се заложија да ја убедат опозицијата да го направи истото.
„Наша цел останува, и секогаш била, единствено сеопфатен прекин на воените дејствија, што ќе се однесуваат на цела Сирија, а не серија на локални примирје", нагласи Стејт департмент.
|