ИД бараат нови извори на приходи, тврди претставник од ОНЊујорк, 5 мај 2016 (МИА) – Таканаречената Исламска држава бара начини да ги зголеми приходите преку одданочување, шверц на антиквитети, а можно е и киднапирање заради откуп, изјави Џерард ван Боемен, шеф на комитетна ОН за надгледување на примената на санкции спрема екстремисти.
Тој вели дека ИД се обидува да ги зголеми приходите откако почнале да губат територии и откако со воздушните напади изгубиле рафинерии за нафта и останале без дел од приходите.
Ван Боемен кој е и амбасадор на Нов Зеланд во ОН, истакна дека на ИД не им недостасуваат борци ниту оружје. Тој вели дека проценките се дека досега во Ирак и Сирија заминале повеќе до 30.000 странски терористички борци.
Ван Боемен додава дека заканата од ИД се шири географски и расте притисокот врз териториите под контрола на џихадистите во Сирија и Ирак поради што странски борци се почесто се враќаат во своите земји.
|