Во Палмира пронајдена масовна гробницаДамаск, 26 мај 2016 (МИА) - Сириските владини сили денеска во древниот град Палмира открија масовна гробница со најмалку 65 тела, за кои се претпоставува дека им припаѓаат на лица убиени од страна на припадници на групата Исламска држава (ИД), во време кога реонот беше под контрола на џихадистите, јави ДПА.
Според Сирискиот центар за мониторниг на човековите права, убиените лица во масовната гробница се сириски војници и припадници на паравоени групи лојални на властите во Дамаск.
Центарот во своето соопштение наведува дека жртвите најверојатно биле убиени во мај минатата година, кога припадниците на ИД ја зазедоа Палмира.
Гробницата била откриена во близина на воениот аеродорм во Палмира.
Ова е втора масовна гробници пронајдена во Палмира откако сириските владини сили, со поддршка од руското Воено воздухопловство, пред два месеци ги потиснаа џихадистите од градот и востоставија контрола врз него. Во првата гробница беа пронајдени околу 40 тела, меѓу кои и на жени и деца.
|