Воен брод на Јужна Кореја со предупредувачки истрели протерал два севернокорејски бродаСеул, 27 мај 2016 (МИА) - Јужнокорејската воена поморска патрола денеска отвориле предупредувачки оган, за да одвратат две севернокорејски пловила кои за кратко навлегле во спорна територија кај морската граница меѓу двете држави, пренесе БТА.
Бродовите на Северна. Кореја - еден воен и еден рибарски – изутринава залутале во водите под контрола на Јужна Кореја и тоа траело помалку од 10 минути, пред да се повлечат, соопшти извор од Министерството за одбрана во Сеул, кој побарал да остане анонимен.
Според неговото кажување, јужнокорејскиот брод испукал пет предупредувачки истрели. Нема жртви ниту од едната, ниту од другата страна.
|