Офанзива на ИД во АлепоАлепо, 27 мај 2016 (МИА) - Најмалку 100.000 луѓе се блокирани долж границата на Сирија со Турција, откако Исламска држава (ИД) изврши пробив низ територија под контрола на бунтовниците во сириската провинција Алепо.
Изненадувачкото напредување на ИД на подрачјето на два града под контрола на сириските бунтовници се случи во момент кога џихадистите се соочени со офанзива од исток во провинцијата Рака, каде се наоѓа истоимениот град кој групата го погласи за престолнина на нејизниот т.н. Исламски Калифат.
- Борци на ИД го пресекоа главниот пат меѓу бунтовничките градови Азаз, во близина на турската граница и градот Маре, изјави новинарот Мамун Хатив, кој се наоаѓа во Азаз.
Претставникот на организацијата „Лекари без граници“, Пабло Марко изјави дека поради напредувањето на ИД се спроведува евакуација на пациентите од болница во градот Ал Саламах.
- Ние сме загрижени за судбината на нашата болница и нашите пациенти. Проценуваме дека 100.000 луѓе се блокирани меѓу турската граница и линијата на фронтот, посочи Марко.
|