НАТО: Сојузниците да се подготват за одговор на потенцијална закана од РусијаТирана, 30 мај 2016 (МИА) - Парламентарното собрание на НАТО денеска ги повика сојузниците да бидат подготвени да одговорат на потенцијална закана од страна на Русија врз една од земјите-членки на Алијансата.
Апелот е упатен по тридневана парламентарна сесија што се одржа во Тирана.
- Предизвикот, што доаѓа од Русија е реален и сериозен, изјави Мајкл Тарнер, претседатал на Парламентарното собрание, во кое има 250 пратеници од 28 земји-членки на НАТО.
Во декларацијата се изразува жалење за употребата на сила од страна на Русија врз нејзините соседи и од обидите за заплашување на сојузниците на Северноатлантската алијанса.
- Во такви услови НАТО нема друг избор освен тоа да го гледа како потенцијална закана од евентуална можност за агресивна акција од страна на Русија против земја-членка на Алијанасата и да преземе соодветни и пропорционални одговори, се посочува во декларацијата.
|