Нови апсења на новинари во ЕгипетКаиро, 31 мај 2016 (МИА) – Претседателот на Синдикатот на египетските новинари Јахија Калаш и уште двајца високи претставници на синдикатот ќе бидат судени по брза постапка со обвиненија дека криеле луѓе за кои полицијата имала распишано потерници.
На Калаш, заменик претседателот на Синдикатот, Халед Балши и генералниот секретар Гамал Абдул Рахим ќе им се суди откако во почетокот на мај полицијата упадна во просториите на Синдикатот за да уапси двајца новинари кои работеле за опозициски новинарски веб-сајт.
Локалниот весник Ал Масри ал Јум објави дека тројцата биле ослободени откако синдикатот платил гаранции. Претходно, според локални медиуми, тие биле во притвор откако не сакале да платат гаранции се додека случајот не го преземе независен судија.
|