При воздушни напади врз цели на ИД во Сирија загинаа 82 луѓеЛондон, 26 јуни 2016 (МИА) - Најмалку 82 луѓе загинаа, од кои 58 цивили во воздушните напади на руските и силите на сирискиот режим врз региони под контрола на Исламска држава во источна Сирија, соопшти денеска Сириската опсерваторија за човекови права.
Во соопштението, на организацијата со седиште во Лондон, се истакнува дека при нападите во регионот Ал Куријах, југоисточно од градот Деир Езора, загинале 58 цивили.
Околу 60 проценти од градот е под контрола на ИД.
Од почетокот на конфликтот во Сирија во март 2011 година загинале повеќе од 280.000 луѓе.
|