Женева, 1 јули 2016 (МИА) – Меѓународната организација за миграција (МОМ) соопшти дека има намера да стане член од системот на ОН.
Одлуката беше едногласно донесена синоќа на седница на МОМ во Женева и ќе биде испратено на разгледување до Генералното собрание на ОН.
На седницата на МОМ беа примени Кина, Тувалу и Соломонски Острови, со што во неа сега членуваат 165 држави.
Лани МОМ обезбедила помош за околу 20 милиони мигранти и бегалци во светот. Тие имаат 450 претставништва во светот и над 9.000 соработници.