Аргентинската полиција изврши претрес во домот на поранешната претседателкаБуенос Аирес, 1 јули 2016 (МИА) - Поранешната претседателка на Аргентина, Кристина Фернандес де Кирхнер изјави дека е жртва на политичка истрага од страна на нејзиниот наследник, откако неколку нејзини имоти беа претресени во врска со истрагата за можно незаконско збогатување.
Фернандес даде коментар на својот налог на Твитер, откако властите извршија претрес во некои од нејзините живеалишта во јужниот дел на земјата по претходно издадена судска наредба.
Истовремено друг суд нареди таа да биде ставена под истрага во врска со перење пари.
Против Фернандес беше покрената истрага поради тврдењата за корупција во текот на осумте години додека ја вршеше претседателската функција.
Откако во декември минатата година си замина од функцијата и беше заменета од Маурисио Макри, таа стана предмет на истрага под обвинение за махинации на берзата.
|