Пекинг, 23 јули 2016 (МИА) - Во поплавите во Кина предизвикани од летните дождови вкупно загинаа над 200 луѓе, а 16 милиони лица се евакуирани, јавија кинеските државни медиуми.
Според последните податови во покраината Хенан, централна Кина загинаа 15 луѓе, а деветмина се водат како исчезнати. Поради поплавите 7,2 милиони луѓе ги напуштија домовите. Водената стихија оштети 18.000 куќи.
Уште девет лица загинаа, а 11 се исчезнати во соседната покраина Хебеј, а евакуирани се девет милиони луѓе.
Поплавите уништија над 1,5 милиони хектари посеви.