Мајами, 25 јули 2016 (МИА) - Најмалку две лица загинаа, а 17 други се ранети денеска при напад врз ноќен клуб во градот Форт Мајерс во американската сојузна држава Флорида, јави ДПА.
Претходно, телевизијата Ен-Би-Си, повикувајќи се на полициски извори, јави дека нападот се случил во раните утрински часови во локалот „Клуб Блу“.
Инцидентот се случил за време на забава на која присуствувале голем број тинејџери.
Според изјави на очевидци, во клубот се слушнале 30-тина истрели.
Полицијата засега не соопшти повеќе детали за целиот случај.