Сандерс: Трамп е демагог, поддржете ја Хилари Клинтон Пенсилванија, 25 јули 2016 (МИА) - Сенаторот Берни Сандерс побара денеска од демократите да гласаат за неговата ривалка Хилари Клинтон со цел да го спречат републиканскиот кандидат Доналд Трамп на неговиот пат кон Белата куќа.
- Мораме да го поразиме Доналд Трамп. Мораме да ги избереме Хилари Клинтон и Тим Кејн, истакна сенаторот од Вермонт неколку часа пред почетокот на Националната конвенција на Демократска партија.
- Трамп е силеџија и демагог, нагласи Сандерс, а неговиот повик да се поддржи Клинтон наиде на незадоволство од страна на неговите приврзаници.
Во Филаделфија денеска, во сенка на скандали, почна Националната конвенција на Демократската партија, на кој Хилари Клинтон треба официјално да ја прифати претседателската номинација на нејзината партија.
|