Ал Каеда му даде дозвола на Фронтот ал Нусра да се одвои

Бејрут, 28 јули 2016 (МИА) - Ал Каеда му даде дозвола на својот сириски огранок, Фронтот ал Нусра да се одвои, доколку тоа му е потребно за да го зачува единството и да ја продолжи борбата во Сирија, се тврди во денеска објавената видео снимка.

На снимката се слуша лидерот на Ал Каеда, Ајман ал Завахири како им вели на припадниците на Фронтот дека можат „без колебање да ги жртвуваат организациските и партиските врски (со Ал Каеда), доколку тие се косат со нивната работа, како единствена организација“. 

- Братството на Исламот меѓу нас е посилно од која било организациска припадност, вашето единство нам ни е поважно од какви било огранизациски врски, изјави Завахири на снимката. 

Фронтот ал Нусра е прогласен за терористичка организација во САД, но често се бори против сирискиот претседател Башар ал Асад со групи, кои ги поддржуваат Вашинтон и арапските земји.