Поранешниот претседател на Гватемала обвинет за корупција и измамаГватемала Сити, 28 јули 2016 (МИА) - Судот во Гватемала отвори истрага против поранешниот претседател Ото Перез Молина, во врска со обвинување за повеќемилионска корупција.
Молина стапи на претседателската функција во 2012, но мораше да поднесе оставка во септември 2015 година, откако се обелоденија сомнежите за измама и корупција.
Само еден ден по оставката, Молина беше уапсен.
Гватемалските правосудни власти веќе имаат почнато истрага против поранешниот претседател и во врска со специјално уредената шема за земање поткуп во царинската служба на земјата.
Најновата истрага се однесува на сомневањата дека Молина примил 37,9 милиони долари за да обезбеди државен договор со една градежна компанија.
Според истражните органи, поранешниот шеф на државата има добиено скапи „подароци“, меѓу кои и хеликоптер, авион и луксузен автомобил.
Гватемалската анти-корупциска комисија, претходно, го обвини Молина дека има земено поткуп и од една шпанска пристанишна компанија.
Главниот судија во истрагата против поранешниот претседател, Мигуел Анхел Галвез, изјави дека оргнизираната шема за земање поткуп од цариската служба, опфаќала повеќе од 50 државни функционери, банкари и бизнисмени.
Меѓу осомничените за корупција е и поранешниот потпретседател на Гватемала, Роксана Балдети, која поднесе оставка во мај минатата година.
Балдети и Молина од почетокот на истрагата се наоѓаат во притвор.
|