Кабул: Трае нападот на Американскиот универзитетКабул, 24 август 2016 (МИА) - Еден студент загина, а 14 се повредени во денешниот напад на вооружени лица на Американскиот универзитет во Кабул, соопшти началникот на градската болница.
Ректорот на Универзитетот Марк Инглиш изјави дека во тек е нападот на кампусот и оти на местото се присутни и специјалните сили.
- Повеќе вооружени лица го нападнаа Американскиот универзитет во Кабул, а се слушаат пукотници и експлозија“, изјавил неименуван функционер од Министерството за внатрешни работи, дополнувајќи дека во зградата се заробени професори од странство и стотици студенти, пренесува Танјуг.
Локалната телевизија ТОЛО еуз информира дека прво се слушнала експлозија, а потоа напаѓачите влегле во кампусот на Универзитетот. Се претпоставува дека експлозијата е дело на бомбаш-самоубиец.
|