Најмалку 15 загинати во нападот врз Американскиот универзитет во Кабул Кабул, 25 август 2016 (МИА) - Во нападот во Американскиот универзитет во Кабул има најмалку 15 загинати, изјави претставник на полицијата во авганистанската престолнина.
Полицијата соопшти дека се убиени седум студенти, тројца полицајци и двајца обезбедувачи. Двајцата напаѓачи, кои упаднаа во комплексот на универзитетот, што е обезбеден со висок ѕид, исто така се ликвидирани.
Нападот почна синоќа со самоубиствен напад, а во него има вкупно 44 ранети лица, меѓу кои 35 се студенти.
Полицијата многу бавно реагираше во неутрализирање на напаѓачите, бидејќи во оградениот комплекс на универзитетот имало околу 700 студенти.
До овој момент никој не ја презеде одговорноста за нападот.
|