Воен брод на британската морнарица ќе се вклучи во борбата против ИДЛондон,29 август 2016 (МИА) - Воениот брод на британската морнарица, разурнувачот „Даринг“ ќе се вклучи во борбата на коалиционите сили, предводени од САД, против џихадистите на Исламска држава (ИД), соопшти Министерството за одбрана во Лондон.
Министерот за одбрана Мајкл Фалон, изјави дека во петок, бродот ќе отплови од пристаништето во Плимут за Персискиот Залив.
Овој разурнувач ќе ја презеде улогата на неговиот претходник „Дифендер„ кој минатиот месец се врати во Британија, по девет месеци поминати во мисија во водите на Блискиот и Средниот Исток.
„Даринг„ ќе се користи како подршка на американакиот носач на авиони во Заливот, од каде се извршуваат воздушните напади против позициите на ИД во Сирија и Ирак.
Британскиот брод ќе патролира по водите на Заливот и ќе прибира информации,неопходни за сојузничките сили.
Тој е опремен со најсовремени ракети, за да обезбеди заштита за флотата во чиј состав се наоѓа, како и да се справи со закана на одалеченост и до 120 километри.
Неговиот претходник соработуваше со силите на САД и Франција кои се вклучени во операциите протв ИД.
Во рамките на коалиционите сили, се вклучени и авионите на РАФ (кралското воено воздухопловство) кои учествуваат во бомбардирањето на позициите на џихадистите.
|