Москва, 30 август 2016 (МИА) - Портпаролот на Кремљ, Дмитриј Песков, денеска изјави дека нема смисла да ги коментира американските тврдења за вмешаноста на Москва во хакерските напади врз базата на податоци на избирачите во американските сојузни држави Аризона и Илиноис.
- Тврдењата се неосновани и не се втемелени на ништо. Не се покажани никави факти, рече Песков пред новинарите, пренесе ТАСС.
Тој додаде дека Кремљ смета дека на тие тврдења воопшто не треба да им се посветува внимание.
Американските медиуми денеска пренесоа дека ФБИ ги предупредува американските официјални лица да ја зацврстат „изборната безбедност“ во светло на доказите дека хакери ги нападнале базите на податоци на избирачите во две сојузни држави.