Ирачките сили ја потиснаа ИД од градот РутбаМосква, 25 октомври 2016 (МИА) - Ирачките владини сили денеска презедоа целосна контрола над Рутба, град во западен Ирак, кој пред два дена беше заземен од терористичката групација Исламска држава (ИС), јави ТАСС.
При операцијата за ослободување на Рутба, кој во провинцијата Анбар, според ирачки армиски извори, биле убиени најмалку 40 борци на ИД.
- Нашите сили целсно го исчистија Рутба, изјави ирачкиот генерал Ибрахим ал Махалауи.
Под притисок на офанзивата на ирачките владини сили врз нејзиното главно ирачко упориште Мосул, што започна на 17 октомври, ИД последниве денови изврши неколку диверзантски акции во Киркук, а потоа во неделата ја нападна и Рутба. Џихадистите презедоа контрола врз делови од градот и вчера егзекутираа петмина Ирачани. Во петокот десетици џихадисти извршија жесток напад врз Киркук, убивајќи најмалку 46 лица.
Извори од командата на ирачките сили во Анбар посочуваат дека денеска при бомбардирања на ирачкото Воено воздухопловство и на авиони на меѓународната антиџихадистичка коалиција, били ликвидирани 40 терористи од ИД и уништени 14 возила опремени со тешко вооружување.
|