САД и Израел првпат не гласаа против резолуција на ОН за прекин на ембаргото кон Куба

Њујорк, 26 октомври 2016 (МИА) - Генералното собрание на ОН денеска гласаше по 25-ти пат резолуција, со која се бара прекин на трговско-економското ембарго кон Куба, воведено од САД повеќе од 50 години.

Резолуцијата беше поддржана од 191 држава, а првпат досега САД и Израел не гласаа против текстот, туку беа воздржани. Постојаниот претставник на САД во ОН, Саманта Пауер изјави дека воздржаноста не значи дека Вашингтон се согласува со сите политики и делувања на кубанската Влада.

Со резолуцијата се настојува земјите, кои се уште применуваат санкции против странски компании кои тргуваат со Кина, да преземат неопходни мерки за нивно повлекување во најбрз можен период.

Американскиот претседател Барак Обама презеде чекори за намалување на трговските санкции и ограничувањата за патување во Куба, но само Конгресот може целосно да го укине ембаргото.