Женева, 28 октомври 2016 (МИА) – Бројот на мигранти и бегалци кои пристигнале во европски држави преку Средоземното Море од почетокот на годината е над 330.000 луѓе. Речиси 4.000 загинале или се исчезнати, соопшти Меѓународната организација за миграција.
До 26 октомври во Европа пристигнале 332.045 мигранти и бегалци, најголем дел од нив прифатила Грција (169.524) и Италија (157.049).
Бројот на бегалци и мигранти кои пристигнале во Италија е зголемен за 12 отсто во однос на 2015 година. Истовремено, вкупниот број на бегалци и мигранти кои пристигнале по море во европски држави е понизок во споредба со лани.
- Од 1 јануари до 31 октомври 2015 година во Европа пристигнале 729.000 луѓе, изјави Ленард Дојл претставник на Организацијата.