Сеул, 27 ноември 2016 (МИА) – Јужнокорејското Обвинителство располага со аудио-снимки со кои се потврдува вината на претседателката Парк Гуен-хе која е вмешана во голем корупциски скандал. Тоа го објави весникот Кориа тајмс.
Извор близок до истрагата вели дека е доволно само да се објават 10 секунди од аудио-снимките и луѓето ќе излезат на улица „не со свеќи туку со факели“.
Во Сеул вчера 1,5 милиони луѓе протестираа со барање за оставка на претседателката и носеа запалени свеќи.
Во телефон на еден од советниците на претседателката биле пронајдени 50 аудио-фајлови поврзани со криминални дела на нејзината најблиска пријателка. Парк веќе се изјасни дека е виновна за злоупотреба на функцијата, изнудување и други криминални дела.