Генералниот секретар на ОН загрижен поради можно иранско прекршување на ембарго за оружјеЊујорк, 9 јануари 2017 (МИА) – Генералниот секретар на ОН изрази загриженост пред Советот за безбедност дека Иран може да не го почитува ембаргото за оружје доставувајќи ракети и друго оружје за либански Хезболах. Извештајот во кој увид имале западни медиуми, ќе биде разгледан од СБ на 18 јануари. Во него се споменува за обвиненија од Франција дека пратка со оружје запленета во март во северниот дел од Индискиот Океан, била од Иран за Сомалија или Јемен. Поголем дел од санкциите на ОН врз Иран беа укинати пред година во согласност со меѓународен договор за нуклеарната програма на државата. Иран се уште е под оружено ембарго. Извештајот бил претставен во СБ на ОН на 30 декември од веќе поранешниот генерален секретар Бан Ки-мун кој на функцијата од 1 јануари го замени Антонио Гутереш. Во извештајот Бан цитира лидер на Хезболах од 24 јуни 2016 година дека буџетот на либанското движење е обезбеден од Иран. Тој изразува голема загриженост поради тој факт кој според него, може да значи непочитување на резолуција на СБ на ОН.
|