Вашингтон, 22 јануари 2017 (МИА) – Повеќе од два милиона луѓе учествуваа во „женски марш“ одржан во голем број градови во САД против американскиот претседател Доналд Трамп.
Главниот протест беше синоќа во Вашингтон каде околу милион луѓе изразија негодување поради ставот на новиот американски претседател за женските права за кои демонстрантите веруваат дека се загрозени од новата американска администрација.
Трамп не реагираше на протестите одржани во првиот ден од неговиот претседателски мандат.
Во Лос Анџелес на протестите учествуваа повеќе од половина милион луѓе, а речиси во ист број беа и во Њујорк. Протести имаше во Чикаго, Далас, Сан франциско, Денвер, Сиетл и други градови.
Протести имаше и во други делови од светот - Синдеј, Прага, Париз, Јоханезбург, а најголем беше одржан во Лондон каде десетици илјади жени, мажи и деца протестираа извикувајќи Сменете го Трамп и носеа голем број транспаренти против него.
Меѓу учесниците имаше голем број јавни личности како Мадона,Џулија Робетртс, Кети Пери, Скарлет Јохансон..