Пном Пен, 22 март 2017 (МИА) - УНИЦЕФ денеска ја осуди компанијата, која им продава млеко на Американците, од „ранливи и сиромашни мајки“ од Камбоџа.
Проблемот стана актуелен оваа недела, откако Камбоџа соопшти дека го спречила извозот на компанијата „Амброзија Лабс“ со седиште во Јута, која тврди дека е прва компанија од таков вид, која „конзервира човечко млеко“’ и го извезува во САД.
- Банките за млеко од мајки не би требало да работат на експлоатација на ранливите и сиромашните мајки заради профит и комерцијални цели. Млекото од мајките може да се смета за човечко ткиво, исто како и крвта и трговијата со него треба да се забрани, рече портпаролката на Канцеларијата на УНИЦЕФ во Камбоџа.
Потрошувачите се мајки од САД, кои сакаат да ги дохрануваат бебињата или немаат доволно млеко, а цената на едно шише изнесува 20 долари.