Мексико, 24 март 2017 (МИА) – Најмалку 29 затвореници побегнаа преку тунел долг 40 метри ископан под затвор во Сиудад Викторија во мексиканската држава Тамаулипас, наведе на Твитер портпарол на полицијата во државата.
- Тунелот бил ископан во зона што одамна де факто била под контрола на затворениците, призна во изјава за локално радио Алберто Родригес.
Тоа бегство е нов удар за мексиканските власти откако пред една недела петмина членови на накокартел побегнаа од друг затвор во северозападниот дел од Мексико.