Речиси 50.000 раселени во Авганистан од почетокот на 2017 годинаКабул, 27 март 2017 (МИА) – Поради конфликтот во Авганистан 47.404 луѓе ги напуштиле своите домови од почеткот на 2017 година, се вели во извештај на ОН.
Само во изминатата недела ОН регистрирале раселување во 22 од 34 провинции во Авганистан. Најголем број раселени има во северните провинции Кундуз и Баглан. Според документот, продолжуваат жестоки престрелки во Кундуз и Баглан и се очекува т.н. пролетна офанзива на талибанците.
ОН очекуваат оваа година да има над 450.000 внатрешно раселени лица. Во 2016 година 660.639 луѓе ги напуштиле своите домови, 40 отсто повеќе отколку во 2015 година.
|