Сана, 27 март 2017 (МИА) – Во изминатата година во Јемен е регистрирано зголемување од 70 отсто на брјојт на деца жртви од конфликтот. Според ОН во 2016 година имало вкупно 1.546 деца жртви на конфликтот.
Уницеф предупредува на зголемен ризик од глад во таа држава каде околу половина милион деца страдаат од неухранетост, што е 200 отсто повеќе отколку во 2014 година.
Според извештајот, „462.000 деца страдаат од неухранетост и цифрата рапидно се зголемува“.
Конфликтот во Јемен се интензивираше од март 2015 година кога Саудиска Арабија и сунити почнаа со воздушни кампањи против бунтовниците шиити.
Уницеф соопшти дека бројот на напади врз училишта е зголеме за четири пати. Во 2015 година регистрирани биле 50 напади, а лани – 212. Нападите врз болници и здравствени установи се зголемени за една третина.
Дополнително, „најмалку 1.500 деца се регрутирани во воени единици, повеќе од две третини девојчиња се приморани на брак пред да наполнат 18 години, споредбено со 50 отсто помалку пред да почне конфликтот“.