Назарбаев предлага воведување на латиничното писмо во КазахстанАстана, 12 април 2017 (МИА) - Претседателот на Казахстан, Нурсултан Назарбаев предложи до крајот на годината да се изработи проект со кој казахстанската азбука од кирилица ќе стане латиница.
- Многу е логично да преминеме на латинично писмо. Тоа е поврзано со современите технологии, со околината и со комуникациите, а исто така и со карактеристиките на процесите во образованието и науката во 21 век... До крајот на 2017 година со помош на научниците и со општеството неопходно е да прифатиме нов стандард на изгледот на азбуката, посочи Назарбаев.
Тој додаде дека од 2018 година треба да почне подготовката за настава со новата азбука и да се пристапи кон изработка на учебници за средните училишта.
|