Џафари: САД водат терористичка војна против СиријаЊујорк, 12 април 2017 (МИА) - САД водат терористичка војна против Сирија, изјави на денешната седница на Советот за безбедност на Обединети нации, сирискиот постојан претставник Башар Џафари. На седницата на СБ на ОН предвидено е да се гласа за предлог резолуцијата поднесена од западните земји за нападот со хемиско оружје на 4 април во градот Хан Шејхун во сириската провинција Идлиб. Џафари наведе дека според документитте објавени на Викиликс, Белата куќа дала дозвола за напад со хемиско оружје во Источна Хута, јужно од Дамск. - Тогаш се обидоа да ја префрлат вината врз сириската Влада, а сега се обидуваат да го искористат новиот напад како повод за агресија врз мојата земја, посочи Џафари. Тој додаде дека Сирија испратила писмо до САД и другите земји членки на СБ со предлог да се испрати техничка мисија во Хан Шејхун и во авиобазата во Шајрат, од каде според Вашингтон полетале сириските авиони кои учествувале во нападот, со цел да се утврди вистината. - Сириската Влада исто така би сакала да се дознае кој во Сирија употребил хемиски супстанци, истакна Џафари.
|