Пекинг, 26 април 2017 (МИА) - Кина соопшти дека изразила пред Вашингтон и Сеул сериозни стравувања, откако армијата на САД почна да доставува делови од противракетниот систем ТААД во Јужна Кореја.
На прес-конференција во Пекинг портпаролот на кинеското Министерство за надворешни работи Гун Шуан изјави дека Кина ги повикала САД и Јужна Кореја да го повлеќат системот.
Сеул и Вашингтон тврдат дека единствената цел на ТААД (комплекс за земно стационирање за вонатмосферско пресретување на ракети со среден дострел) е да пресретнува севернокорејски ракети.
Кина сепак стравува дека моќниот радар на системот може да навлезе на нејзина територија и да ја поткопа нејзината безбедност.