Ријад: Нема политичка иднина за АсадМосква, 26 април 2017 (МИА) - Ријад и понатаму верува дека нема политичка иднина за сирискиот претседател Башар ал Асад, изјави денеска саудискиот министер за надворешни работи Адел ел Џубеир на средбата во Москва со својот руски колега Сергеј Лавров. Тој на прес-конференција истакна дека Саудиска Арабија сака, исто така, Иран да престане да се меша на Блискиот исток. Џубеир позитивно ги оцени сириските мировни преговори во Казахстан, кои ги поддржува Москва, но оцени дека нема потреба да се шири листата на учесници во тие разговори, кои ги поддржуваат Иран, Турција и Русија. Лавров изјави дека не постојат „непремостливи разлики“ меѓу него и шефот на саудиската дипломатија кога станува збор за наоѓање решение за кризата во Сирија.
|