Силно торнадо погоди град во Тексас, има загинати и повредениКантон, 30 април 2017 (МИА) - Силно торнадо синоќа го погоди гратчето Кантон во источниот дел на Тексас, а според првичните информации има и жртви.
Најмалку 54 лица се потешко и полесно повредени и веднаш биле префрлени во локалната болница.
Гратчето е речиси срамнето со земја, а засега се уште не е познато колку луѓе загинале.
Ветрот носел автомобили, уривал куќи и корнел стебла од дрвја во Кантон, кој се наоѓа на околу 80 километри од Далас.
|