За 10 години Египет добил 20 милиони жителиКаиро, 22 јуни 2017 (МИА) – Во Египет во изминатите 10 години родени се повеќе од 20 милиони деца, покажува анализа на теренот на вработени во египетските служби за попис на населението. – За 10 години направивме нешто што само може да се смета за цела нова држава, изјави Хусеин Саед, координатор на националниот цензус. Тие со години патувале низ државата и документирале зголемување на населенеито, но и богатство на домаќинства, за да може подобро да се распоредат владините субвенции. Утврдено е дека бројот на жители на Египет е зголемен за околу два милиона годишно. Официјалните резултати ќе бидат објавени во август.
|