Американскиот претседател, Доналд Трамп, соопшти дека портпаролот на Белата куќа, Шон Спајсер на почетокот на августа ќе поднесе оставка, а дека бизнисменот, Ентони Скарамучи, ќе стане директор за комуникации на Белата куќа.
Местото на Спајсер ќе го заземе Сара Сендерс, јавија британските медиуми.
„Во име на својата администрација и американскиот народ, му благодарам на Шон за неговата работа. Му посакувам натамошен успех, сега кога оди кон нови предизвици. Само погледајте ги неговите сјајни телевизиски рејтинзи“, изјави Трамп преку соопштение, што го прочита новата портпаролка на Белата куќа, Сара Сендерс.
Скарамучи на брифинг изјави дека Сендерс ќе биде новата портпаролка на Белата куќа, пренесуваат британските медиуми.