Њујорк, 27 јули 2017 (МИА) - Генералниот секретар на Обединети нации Антонио Гутереш апелира до сите политички и религиозни лидери да се воздржат од провокативни акции и реторика за светите места во Ерусалим, а Израел да покаже самоконтрола.
Изјавата на Гутреш уследи откако палестинските групи Фатах и Хамас ги повикаа муслиманите на масовни протести в петок поради израелските спорни мерки за Ридот на храмот.
Генералниот сектретар на ОН наведе дека е посебно загрижен од потенцијалната опасност за пораст на насилството.