Вашингтон, 18 август 2017 (МИА) - Северна Кореја може да се исправи пред тешки воени последици доколку преземе воени дејствија, изјави американскиот министер за одбрана, Џејмс Матис, цитиран од француските медиуми.
- Во тесна соработка со нашите сојузници можам да кажам дека Северна Кореја ќе има тешки воени последици доколку преземе воени дејствија, рече Матис по средбата со својот јапонски колега во Вашингтон.
„Северна Кореја треба да ги прекине своите опасни активности“, нагласи Матис.
Американскот државен секретар, Рекс Тилерсон, уверува дека САД „безусловно“ ќе го почитуваат својот договор за одбрана со Јапонија, по итната средба со јапонските министри на надворешни работи и одбрана за нуклеарната и ракетна закана од Северна Кореја, пренесоа британските медиуми.
Тилерсон подвлече дека овој договор ги опфаќа и островите Сенкаку, што се предмет на територијален спор меѓу Јапонија и Кина.
- САД и Јапонија се против милитаризацијата на Јужно Кинеско Море, изјави Тилерсон, цитиран од ТАСС.
„САД и Јапонија се против секакви еднострани дејствија, кои ќе ја поткопаат Јапонија“, рече Тилерсон. Тој додаде дека територијалните спорови треба да се решаваат на мирен начин и да се зачува слободата на морепловството, во согласност со конвенциите на ОН.
Претходно Тилерсон ја повика Кина да ја прекине милитаризацијата на Јужно Кинеско Море.