Првата дама на Зимбабве, Гресј Мугабе, доби дипломатски имунитет во Јужна Африка за да избегне истрага

Јоханесбург, 19 август 2017 (МИА) - Првата дама на Зимбабве, Грејс Мугабе, доби дипломатски имунитет од властите на Република Јужна Африка (РЈА), пренесе ТАСС.
Тоа и даде можност да ја избегне судската истрага по жалбата за претепување на 20-годишниот модел, Габриела Енхелс, и да се врати во својата татковина, посочуваат британските медиуми, повикувајќи се на извори од истрагата.
Претходно беше соопптено дека Енхелс поднела тужба против Мугабе, во која тврдела дека првата дама на Зимбаве ја удрила со електричен кабел во хотел во Јоханесбург, каде младата жена отишла да се сретне со синовите на претседателот на Зимбабве - Роберт помладиот и Чатунга.
Според локалните медиуми, Грејс во РЈА пристигнала за медицински испитувања, како и да се зафати со решавање на проблемите на своите синови, кои биле избркани од своите раскошни апартмани заради постојани забави и врева.