Макао: Во тајфунот „Хато“ загинаа три лица

Хонгконг, 23 август 2017 (МИА) - Три лица загинаа, а двајца се во критична состојба, откако тајфунот „Хато“ помина во кинескиот посебен административен регион Макао.
„Хато“ е најсилниот тајфун од 1999 години па досега што минувал низ територијата на Макао.
Синоптичарите објавија највисок, односно десет степени, степен на предупредување на опасност од бури.
Како последица од тајфунот, во регионот неколку улици останаа под вода, а голем број дрвја беа турнати од силниот ветер.
Регистирани се сериозни штети во доводите за електрична енергија и водоснабдувањето.
Претходно, тајфунот „Хато“ беше во Хонгконг, каде се регистрирани 34 повредени лица.
Постепено губејќи сила, тајфунот се движи кон внатрешноста на јужната кинеска провинсија Гуандун, јави ТАСС.