Во 29 држави во светот има одмазда кон луѓе кои соработувале со ОНЊујорк, 21 септември 2017 (МИА) – Рекорден број од 29 држави меѓу кои Кина, Иран и Саудиска Арабија минатата година им се одмаздувале на граѓаните кои соработувале во Обединетите нации, објави канцеларијата на ОН за човекови права. - Тоа биле луѓе жртви на киднапирање, притворани, и исчезнувале, изјави Ендрју Гилмур, помошник на генералниот секретар на ОН за човекови права. Во извештајот се вели дека девет од вкупно 29 држави од извештајот, се членки на Советот за човекови права на ОН. Тоа е осми годишен извештај во кој се укажува на одмазда поради соработка со ОН. – Гротескно и целосно спротивно со Повелбата на ОН, особено на Советот за човекови права, е луѓе да бидат казнувани, да им се закануваат и одмаздуваат поради соработка со ОН за прашања за човекови права, изјави Гилмур. Ниту една од тие држави не одговорила на забелешките.
|