Вашингтон, 22 септември 2017 (МИА) - Претседателот на САД, Доналд Трамп ја продолжува вербалната војна со лидерот на Северна Кореја, Ким Џонг-ун и го нарекува „лудак“ на Твитер.
Трамп посочи дека Ким е „очигледно лудак“ на кој не му смета да го изгладнува или убива сопствениот народ.
- Сега ќе биде ставен пред испит со каков досега не се сретнал, наведува Трамп.
Претходно, севернокорејскиот лидер изјави дека Трамп е „ментално болен старец“ и дека „скапо ќе плати“ поради заканите кон Пјонгјанг.