ОН: Се намалува бројот на бегалци Рохинџи од Мјанмар во Бангладеш

Женева, 22 септември 2017 (МИА) - Пристигнувањето на муслиманските бегалци Рохинџи од Мјанмар во Бангладеш се намали на 2.000 дневно, соопшти Меѓународна организација за миграција (ИОМ) во Женева.

Претходно оваа недела, агенцијата на ОН објави дека дневно во просек пристигнуваат 20.000 нови бегалци, кои бегаат од насилството во мјанмарската држава Ракјан.

Портпаролот на ИОМ рече дека причините за намалувањето на бројот на бегалци сѐ уште не се познати.
Околу 430.000 Рохинџи ја преминаа границата од крајот на август. Причината за бегството од родната земја беше, кога милитанти од оваа маргинализираната муслиманска заедница нападнаа полициска станица, што, пак, предизвика остри воени мерки кои резултираа со уништување на цели села.

Во Дака, ИОМ соопшти дека хуманитарните агенции добиле 100 тони хуманитарна помош испратени од Саудиска Арабија за бегалците Рохинџи.