Парламентарни избори во Нов ЗеландВелингтон, 23 септември 2017 (МИА) - Во Нов Заленд денеска се спроведуваат парламентарни избори, на кои се очекува неизвесна трка меѓу владејачката „Национална партија на Нов Зеланд“ и „Лабуристичката партија на Нов Зеланд“.
Избирачките места беа отворени во 9 часот по локално време, а ќе бидат затворени во 19 часот. Се очекува, Изборната комисија да ги објави резултатите само 90 минути подоцна.
Според податоците на новозеландската Изборна комисија, 1,2 милиони лица гласаа пред денот на изборите. Тоа е околу половина од очекуваниот вкупен број гласови, во земјата со население од околу пет милиони луѓе. На некои предизборни места беше дозволено гласање и до две недели пред датумот на изборите.
|