Јапонскиот премиер Шинѕо Абе и рускиот претседател Владимир Путин се договорија за строго спроведување на санкциите на ОН против Северна Кореја.
- Во однос на Северна Кореја се согласивме строго да ги применуваме санкциите на ОН и да продолжиме со тесна соработка, изјави Абе по средбата со Путин, на маргините на форумот на организацијата Азиско- пацифичка соработка во Данaнг, Виетнам.
Според зборовите на јапонскиот премиер, двајцата разговарале за билатералните економски проекти на спорните Курилските Острови.
По состанокот, Путин рече дека е „многу задоволен" со „стабилниот развој" на односите меѓу двете земји, поддржан со активен политички дијалог и напредок во економската соработка.