Турскиот претседател Реџеп Тајип Ердоган денеска изјави дека Турција е разочарана од САД и нивното одбивање да ги исполнат ветувањата и да ги раскинат врските со групата на сириските Курди, Сили за заштита на народот (ЈПГ).
.jpg)
- САД не исполнија поголем дел од своите ветувања. Не сакам да бидам сведок на истата состојба и во градот Африн. Африн мора да биде исчистен од ЈПГ, изјави Ердоган.
Курдската група е активна во северна Сирија и беше една од клучните групи во борбата против Исламската држава (ИД), поради што добиваше и американско оружје и поддршка.
Според Ердоган, оваа курдска група има блиски врски со Курдската работничка партија (ПКК), која со децении води герилска војна против Турција.
Турција воено интервенираше во сириската провинција Идлиб, согласно нејзиниот договор со Русија и Иран за формирање на зони за дескалација, во кои ќе се намали интензитетот на судирите.
Во Африн, турските сили подолго време се во судир со локалните курдски групи и во своето обраќање на состанок на неговата владејачка Партија на правдата и развојот (АКП), Ердоган најави дека Турција ќе го освои Африн.