Израел тајно одржува врски со неколку арапски земји, но не ги именува затоа што тоа е нивна желба, изјави израелскиот министер за енергетика Јувал Стејниц.
Според некои израелски медиуми, една од тие земји е Саудиска Арабија, а причината за тие тајни врски е заедничкиот страв од Иран.
- Имаме врски, некои се тајни, со неколку арапски и муслимански земји, изјави Стејниц за Израелското воено радио.
Неговата изјава доаѓа неколку дена откако началникот на израелскиот Генералштаб даде интервју за информативниот сајт Елаф, кој е во сопственост на саудиски бизнисмен во Велика Британија.
Тоа ги поттикна шпекулациите за зближување меѓу Израел и Саудиска Арабија против нивниот заеднички непријател Иран.