Борци на Силите за заштита на народот (ЈПГ), на сириските Курди денеска гранатираа турски набљудувачки пункт во сириската област Идлиб, јави Анадолија.
При гранатирањето немало жртви, а турската армија возвратила на нападот.
Турција врши операции во сириската област Идлиб согласно договорот со Иран и Русија за создавање на безбедни зони на територијата на Сирија.
Анкара најави дека планира да ја прошири оваа операција на исток, кон територии кои се под контрола на ЈПГ, организација која Турција ја смета за терористичка група поврзана со Курдската работничка партија (ПКК).